ඔබ සූදානම් ද?

සහෝදර නිමේෂ් ප්‍රනාන්දු ගෙන් කිතුනු ගීතිකා සංයුක්ත තැටියක්

සහෝදර නිමේෂ් ප්‍රනාන්දු ගේ කිතුනු ගීතිකා සංයුක්ත තැටියක් පසුගියදා ( 2019 - 01 - 01 )  වැල්ලවත්ත අපෝස්තලික දේවසභාවේදී  එළිදක්වනුලැබීය.

ස්වාමීන්වහන්සේගේ නාමය ඔසවා තැබීමට උන්වහන්සේ සහෝදර නිමේෂ් ප්‍රනාන්දුව තෝරාගත් නිසාත්,ඔහුගේ තලෙන්ත නිසාත් දෙවිසමිඳුන්ට ප්‍රශංසා වේවා! 

මම සර්වබලධරී දෙවියන්වහන්සේට ප්‍රශංසා කරනවා මාගේ නව ගීතිකා තැටිය එළිදක්වන්නට දුන් කරුණාව ගැන.මෙම ගීතිකා තැටිය තුලින් අපගේ ස්වර්ගීය පියාණන්වහන්සේව මහිමයට පත්කරන්නට මට උරදුන් සියලු දෙනාහට මම ස්තුති කරමි.ජේසුපිහිටයි!
I Praise Almighty God for his grace to launch my new hymns album today.
I Thank everyone those who have supported me to Glorify my Heavenly Father...God Bless you all!


Nimesh Fernando

එක්සත්කම රැකගැනීමේ අවශ්‍යතාවය ( 4 )

පාවුල්තුමා ඝෝෂා සහිත සණ්ඩු සරුවල් වලට විරුද්ධව අවවාද කර ඇත. සන්ඩුකාරයා, ඝෝෂාකරන්නා විරුද්ධකාරයාගේ හඬ නිශ්ශබ්ද කිරිම සඳහා ඝෝෂාවෙන් චෝදනා කරයි. ඝෝෂාකරමින් බැණවදින අය තමන්ගේම මාර්ග ඉටුකර ගැනිම සඳහා  තදබල තර්ජනද කරයි. ඔවුන් සිතන්නේ තමන්ගේ කථාව සහ කි‍්‍රයාවන් අන්‍යයන් තමන්ගේ කැමැත්තට එකඟ කිරිමට බලපෑමක් වනු ඇත කියාය. සන්ඩුකාරයෝ, අපවාද කරන්නෝ තමන්ගේ කෝපය ප‍්‍රදර්ශනය කරමින්  ප‍්‍රශ්න පැමිණි විට සැනින් අන්‍යයන්ට වරද තබති. සංඩුකාරකම නොමේරූ බව ප‍්‍රදර්ශනය කිරිමකි. එමෙන්ම දෙවියන්වහන්සේට යටත් නොවු සිතක ප‍්‍රකාශවීමකි. මෙම අභක්තික හැසිරිම වාද භේද මත ගැටුම් ඇති කරයි. දේව භක්තික ජනතාව අතර වේදනාව සහ අපහසුතාවය ඇති කරයි. 

කේලම්කීම තවත් අයෙකුගේ චරිතය තත්වය විනාශ කිරිමට හිතා මතා කරන භියගුළු කි‍්‍රයාවකි. කේලම් කියන්නෝ බොරු ප‍්‍රවෘති, කටකථා, ප‍්‍රකාශ කරමින් අන්‍යයන්ව සුළු කරති. බොහෝ විට එම කථා කියන විට ඊට අදාළ අය එයට පිළිතුරු දීමට හැකි විටක එය කරති. මෙම විස්තරය සාතන් ගැනද කිව හැකිය. සාතන් දෙවියන්වහන්සේගේ  මනුෂ්‍යයින් විනාශ කිරිම සඳහා බොරු චෝදනා නගති. එමඟින් දේව රාජ්‍යයේ අව්‍යාජත්වයට අවහිර කරති. මම ළමයෙක්ව සිටි විට, මා හට යමෙක් යම් පහත් දෙයක් ප‍්‍රකාශ කළ විට, මා හට මෙම වචන මහත් වේ. ”දඬුමුඟරු මාගේ ඇටකටු බිදිමට නොහැකිය” කාරණය වන්නේ නපුරු, ක්‍රෝධ සිතිවිලිය, වචන සිත් තුවාල කරයි. විනාශකාරී වචන හෘද වේදනා ඇති කරන අතර එක්සත්කම බිඳ දමති.

අප දුක් විඳින්නේ මන්ද ?

"හිමිදින" කිතුනු ටෙලිනාට්‍යය

බෞද්ධ විහාරස්ථානයක නත්තල් උත්සවයක්

ආගමික සංහිඳියාවේ වැදගත්කම ලොවට කියනුවස් නත්තල් උළෙලක් සංවිධානය කළ බෞද්ධ විහාරස්ථානයක් පිළිබඳ ගාල්ල දිස්ත්‍රික්කයෙන් වාර්තා වේ.

ඉහත කී නත්තල් උත්සවය පැවැත්වුනේ ගාල්ල පහල ඩික්සන් පාර ගුණරත්න මුදලින්දාරාම විහාරස්ථානයේදීය.

ඒ සඳහා බෞද්ධ, හින්දු, කිතුනු සහ ඉස්ලාම් යන ආගම්වලට අයත් ප්‍රදේශයේ ආගමික නායකයෝ ද එක්ව සිටියහ.

"ආගමික නායකයන් එක්ව පන්සලක නත්තල සැමරීම රටේ සියලු දෙනාටම ආදර්ශයක් බව විහාරාධිපති හිමි ශාස්ත්‍රපති රිදියගම විසුද්ධි හිමි එහිදී පැවසූහ.

බෞද්ධ විහාරස්ථානයක නත්තල් උත්සවයක් පැවැත්වීමට කටයුතු යෙදීම විශිෂ්ඨ කාර්යක් ලෙස හැඳින්වූ උන්වහන්සේ ඉන් ආගමික සංහිඳියාව වර්ධනය කෙරෙන බව කියා සිටියහ.

පසුගිය සෙනසුරාදා (දෙසැ 29) පැවති උත්සවය සංවිධානය කර තිබුනේ මානව හිමිකම් පුරවැසි සභාවේ ගාල්ල ශාඛාව විසිනි.

විහාරස්ථානයේ පැවති නත්තල් උත්සවයේ කැරෝල් ගීත ද ගායනා කරනු ලැබු අතර ආර්ථික අපහසුතා ඇති දරුවන්ට පොත්පත් ප්‍රදානයක් ද සිදුවිය.

උත්සවයට විහාරාධිපති හිමි ශාස්ත්‍රපති රිදියගම විසුද්ධි හිමි, ක්‍රිෂෝ පීරිස් ,ඩේමියන් අර්සකුලරත්න යන පියතුමන්ලා ද විග්නේෂ් ෂර්මා, ෆර්හාන් මවුලවි යන පූජකතුමන්ලා ඇතුළු පිරිසක් සහභාගී වී සිටියහ.

ඊට එක්ව සිටි දකුණු පළාත් ආණ්ඩුකාර ජනාධිපති නිතිඥ මාර්ෂල් පෙරේරා සහ මානව හිමිකම් පුරවැසි සභාවේ ගාල්ල ශාඛාවේ සභාපති ටෙරන්ස් සේරසිංහ එහිදී අදහස් දක්වමින් ඉදිරියටත් ජාතීන් සහ ආගම් අතර සංහිඳියාව පවත්වාගෙන යාමේ වැදගත්කම පෙන්වා දුන්හ.

උපුටා ගැනීම - බී බී සී

නත්තල: 'මුස්ලිම් ජේසුස්' සිහි කරන සමය

Image copyrightGETTY IMAGES

(බීබීසී ලෝක සේවයේ එම්රේ අසිස්ලේර්ලි (Emre Azizlerli) සකස් කළ ලිපියක් ඇසුරෙනි)

"ඔබ කොහොමද තුර්කියේ නත්තල සමරන්නේ?"

නත්තල උත්කර්ෂවත් ලෙස සමරන රටකට ගිය විට නොවරදවා අසන්නට ලැබෙන ප්‍රශ්නයකි.

ඔබ නත්තල සාමාන්‍ය දිනයක් ලෙස පැවසුවහොත් ඔවුන් පුදුමය පළ කරනු ඇත.

එය යුදෙව්, හින්දු හෝ මුස්ලිම් දින දර්ශනවලට අනුව නිවාඩු දිනයක් ද නොවේ.

Image copyrightGETTY IMAGES

කවුද මේ 'ඊසා'?

නමුත්, විශ්මය දනවන තොරතුරු නැතුවා නොවේ.

ඉස්ලාම් දහමට අනුව ඔවුන් ජේසුස් ක්‍රිස්තුන්වහන්සේගේ උපන් දිනය සමරන්නේ නැතිමුත් ක්‍රිස්තුන්වහන්සේ පුජනීයත්වයෙන් වන්දනා කරයි.

තමන්ගේ ආගමික විශ්වාසයේ කොටසක් ලෙස ක්‍රිස්තියානි දහමේ නායකයාට මුස්ලිම්වරු මහත් ගෞරවයක් දක්වති.

Image copyrightUNKNOWN

නබිනායකතුමන් අනුව යමින්, ජේසුස් වහන්සේ වඩාත් වන්දනාමානයට ලක්වන පුද්ගලයන්ගෙන් කෙනෙක් ලෙස කුරානය සලකයි.

කෙසේවුවත් ජේසුස් වහන්සේ, එසේත් නැත්නම්, අරාබි භාෂාවෙන් හඳුන්වන 'ඊසා' පිළිබඳ, නබි නායකතුමන් ගැන සඳහන් වන වාර ගණනට වඩා වැඩි වාරයක් කුරානයේ සඳහන් වී තිබේ.

තවදුරටත්, මෙම පූජනීය ග්‍රන්ථයේ එක් කාන්තාවක් ගැන පමණක් නමින් හඳුන්වා දී ඇත.

කවුද මේ 'මරියම්'?

ඇය කන්‍යා මරියතුමිය වන අතර, අරාබි භාෂාවෙන් මරියම් ලෙස හදුන්වයි. කුරානයේ සම්පුර්ණ පරිච්ඡේදයක් කන්‍යා මරියතුමිය වෙනුවෙන් වෙන්කර ඇත.

නමුත්, ඉස්ලාම් උත්පත්ති කතාවේ ජෝසෆ් හෝ අනාවැකිකරුවන් පිළිබඳ සඳහනක් නැත.

කුරානයට අනුව, මේරි දරුවා බිහි කර ඇත්තේ වියළි කාන්තාරයක් මධ්‍යයේ මැරුණු ඉඳි ගසක් යට තනිවමය.

එහි වැඩිදුරටත් සඳහන් වන්නේ එහිදී ඇයට ආහාරයට ගැනීම පිණිස ඉදුණු රට ඉඳි කඩා වැටී ඇති අතර, පය පාමුලින් දිය උල්පතක් ද මතු වී තිබේ.

දරුවා සමග සිටි අවිවාහක කාන්තාවගේ සිල්වත් භාවය පිළිබඳ ප්‍රශ්න කිරීමකට ලක්වූ අතර අලුත උපන් ජේසු බිලිඳා දෙවියන් ලෙස කතා කිරීමට පටන් ගත්තේය.

Image copyrightGETTY IMAGES

ආත්මයේ ශාස්තෘවරයා

ජේසුස් වහන්සේ පිළිබඳ සඳහන් කරද්දී "සාමය ඔහු සමග පවතීවා" යනුවෙන් යාඥා කිරීමට මුස්ලිම්වරු කටයුතු සිටිති.

ඉස්ලාමීය විශ්වාස අනුව, විනිශ්චයට භාජනය වන දිනයේ මිහිමත යුක්තිය ඇති කිරීමට මුලින්ම පැමිණෙන්නේ ජේසුස් වහන්සේය.

කෙසේවෙතත්, මුස්ලිම් සාහිත්‍යය මෙහිදී කුරානය අභිබවා යන්නේය.

සුෆී දාර්ශනිකයෙක් වූ අල්-ගසාලි (Al-Ghazali) ඔහු "ආත්මයේ ශාන්තුවරයා" ලෙස හඳුන්වයි.

ඉබ්න් ඇරබි, ජේසුස් වහන්සේ හඳුන්වා ඇත්තේ, "සාන්තුවරයන්ගේ මුද්‍රාව" ලෙසිනි.

'ඊසා' ලෙස නම් කළ දරුවන් ද, මරිය මව්තුමිය සිහි කරමින් 'මරියම්' ලෙස නම් කළ දැරියන් ද මුස්ලිම් සමාජය පුරා හමුවේ.

7 වන සියවසේ ඉස්ලාම් දහම ආරම්භ වන විට ක්‍රිස්තියානි දහම මැද පෙරදිග හොඳින් තහවුරු වී තිබුණි.

Image copyrightGETTY IMAGES

Image copyrightGETTY IMAGES

ඉස්ලාම් දහමෙන් ජේසුස් ක්‍රිස්තුන්වහන්සේ පූජනියත්වයෙන් සැලකුවද, කතෝලික පල්ලිය සැම විටම ඊට කෘතවේදී නොවීය.

15 වෙනි සියවසයේ ඉතාලියේ බොලොග්නා නගරයේ ඉදිවූ 'San Petronio' පල්ලියේ ඇති සුප්‍රකට බිතු සිතුවමක අපායේදී යක්‍ෂයන් විසින් වද දෙන මුස්ලිම් සාන්තුවරයෙක් නිර්මාණය කර තිබේ.

යුරෝපය පුරා නිර්මාණය වූ කළා කෘති තුළ මේ අන්දමේ නින්දා කිරීම් හමුවේ.

එනමුත් වර්තමාන කතෝලික පල්ලිය මෙලෙස අවඥා සහගතව නොබලයි.

එක්සත්කම රැකගැනීමේ අවශ්‍යතාවය ( 3 )

එක්සත්කමට නිශ්චිත සතුරෝ

එබැවින් අප එක්සත්කම වර්ධනය කිරිම සඳහා දුර්ගුණයන්ට විරුද්ධව ආරක්ෂාකාරි විය යුතුය. පාවුල්තුමා කරණකොට නැවතද අවවවාද  කරන්නේ, සියලූ තිත්තකමත්, කෝපයත්, උදහසත්, කෝලහාලත්, අපහාසයත්, සියලූ ක්‍රෝධත් නුඹලා කෙරෙන් පහකරනු ලැබේවා. (එපිස 4:31)

තිත්තකමින් පිරුණු මනුෂ්‍යයෝ අමනාපයෙන් නොරිසුම්කමින් නිතර කෙඳරිලි සහිතව ජීවත්වන අන්‍යයන්ට පහරදීමට සුදානම්ව සිටින අය වෙති. තිත්තකම අපගේ කථාවට බලපැවැත්වෙයි. අපගේ කල්පනා කිරිමට සහ ප‍්‍රතිකි‍්‍රයා දැක්වීමට සම්බන්ධවේ. එය අමනාප නොරිස්සුම් අත්මයක් ඇතිකොට සමඟිවීම ප‍්‍රතික්ෂේප කරයි.

සැර වියරුවෙන් හැසිරීම බලවත් චිත්ත වේගයකි. එය චිත්තවේග කෙරෙහි ආක‍්‍රමණයක් වන අතර එයට හේතු හෝ දිසාවන් නැත. එහි මාර්ගයෙහි විනාශය ඇත. කෝපයේ බොහෝ ප‍්‍රකාශවීම් ඇත. දැල්වෙන කෝපාග්ගින්න පෞද්ගලික වෛරය, එදිරිය, ද්වේෂය, විරෝධය, ඇතුලාන්ත නොරිස්සුම, අමනාපය, අකමැතිවීමේ  හැඟිම හෙවත් ඇතුලාන්ත වෛරය සහ පලිගැනිමේ ආශාව යන මේවා සැරෙන් කතා, බැණ වැඳිම මොහොතක පිපිරිමක් වුවත්, කෝපය ඇතුලාන්තයේ කිඳා බැස ඇති සිතේ ගතියකි. බොහෝ දෙනෙකුට අවශ්‍යව ඇත්තේ සමහර මනෝවිද්‍යාඥයින් පවසන ලෙස කෝපය නිදහසේ පාවීමට හැරීමටය. එම පුද්ගලයෝ නිතරම කෝපයෙන් සිටින අතර ඒ මන්දැයි ඔවුන් නොදනිති. කුඩා ඇවිස්සීම් මහත් පිපිරිම්වලට වඩා ඇති විය හැකිය.